الثلاثاء، 25 يونيو 2013
السبت، 31 ديسمبر 2011
الخميس، 29 ديسمبر 2011
مـــحــبــطه ,,,,,
قالت: ( علي ) ضاق الفضا فيني ،، وجيتك محبطة | ||
والحزن بعثرني .. وشتت عالمي صوت الملل | ||
قلت احضني صدرٍ يصحح لك ظروف اللخبطه | ||
يبني قصور الحب في عينك .. ويبني لك فلل.. | ||
واستنجدي بعروق قلبي .. والمشاعر تغبطه | ||
لأنه تحرك في زمن تعرف معانيه الشلل .. | ||
لو فيه من يتقن مفاهيم الجمال ويضبطه ! | ||
صرتي ملاك .. وغرتك تيجان وأطرافك حلل.. | ||
دامك رسمتي في جدار الوقت حزن وشخبطه!! | ||
ماهيب صعبه في خفوقي ترسمي حبك جلل!! | ||
ولاصار وحيك في قفص صدري نداه ومهبطه | ||
زيدي تراتيلك على صدري بلا ضيق وكلل | ||
فالحزن!! لو صار الفرس بعدك وقلبي مربطه | ||
هنا تموت اعماق للتوبه .. ولا يغفر زلل.. دمتم بكل ود ،،،،،، | ||
الجمعة، 25 نوفمبر 2011
غدير كتوعه وريم النهاري
قصيدة في الكارثة المأساوية التي حدثت في مدرسة براعم الوطن بجدة ووفاة المعلمتين ريم النهاري وغدير كتوعه ( رحمهما الله )
| جده عروس البحر مدري عذابه | ||
| في ثوبها قصة دموع الحواري | ||
| ... بالامس مبتله بقطر السحابه | ||
| لين اختلط لون المطر بالمجاري | ||
| واليوم محروقة جسد .والغرابه!! | ||
| مازال ثوب الحزن،، منظر حضاري | ||
| تلحفت ثوب الألم والكآبه | ||
| تصرخ ( عسى من هو يرد اعتباري) | ||
| ياصاحبي هل للمسائل اجابه | ||
| لامات طفلة،، وش يفيد اعتذاري | ||
| تموت شمعه،، لاجل عين الغلابه | ||
| وتطيح دمعة،، من عيون العذاري | ||
| في مدرسه صارت حطام وخرابه | ||
| ذكرى،، جسدها من عنا الظلم عاري | ||
| غدير نادت ريم !! باقي مصابه!؛ | ||
| طفله،، يحاصرها اللهيب الحراري | ||
| ياأستاذتي!! يامعلمتني الكتابه!! | ||
| أشوف باب الموت ،، مخرج طواري | ||
| وجه الحبيبه ،،من يعوض غيابه | ||
| ومن هو يعوض حرقتي وانكساري | ||
| ماتت ويحضنها الوطن في ترابه | ||
| وغابت وسالت بالدموع الحواري | ||
| قولوا لمن يفهم لحضرة جنابه | ||
| ترى المدارس سيئة وانت داري | ||
| والوضع مزري والمباني معابه | ||
| واسوارها تصرخ : ( كرهت انتظاري) | ||
| بين المطر والنار وجه التشابه | ||
| والنور ظلمه والصعود انحداري | ||
| اخر ضحايا موطني لاغرابه | ||
| اطفال يحضنها اللهيب الحراري | ||
| واكبر مثل للتضحية والمهابة | ||
| غدير كتوعه وريم النهاري | ||
ودمتم بكل ود
,,,,,
الأربعاء، 17 أغسطس 2011
الأحد، 14 أغسطس 2011
الموت وأنا ابو محمد
| الهوى والحب ماهو بالتعمد | ||
| حاجه من الله تجي ويتمها | ||
| عاذلي لاتتعب القلب المضمد | ||
| من جروح ن ماقدرت آلمّها | ||
| شب جمر الشوق في صدري ورمد | ||
| يوم شفت اللي تداعب فمها | ||
| جادل نيران شوقه ماتخمد | ||
| ليتها ورده عشان أشمها | ||
| وليتني في حلقها سلسال وانمد | ||
| واحتويها بالدلع وأضمها | ||
| جعل عين اللي عداها بالترمد | ||
| فرحها فرحي وهمي همها | ||
| إن بغيت أوصف لها قتل التعمد | ||
| لاحكت وأقول ياحظ أمها | ||
| وان بغيت أوصف لها معنى التجمد | ||
| لاوقفت وهي تداعب فمها | ||
| والله إن الموت وأنا أبو محمد | ||
| بين ضحكتها وخفة دمها وسلامتكم دمتم بكل ود ،،،،، | ||
الاشتراك في:
الرسائل (Atom)